Ola? Alguén me recibe?
En vistas de que isto do confinamento se nos está alargando un chisco máis do esperado, deseñei este modesto blogue como un xeito de estar informados e para que atopedes aquí todos os recursos necesarios para o voso traballo diario.
En definitiva, un xeito de ter a nosa "aula particular" organizada, esa que botamos tantísimo de menos.
Espero que vos guste e que sexa cómodo para seguir aprendendo. O máis importante será estar aí, dando o mellor de vós pouco a pouco pero cada día.
Para enviar traballo, resolver dúbidas ou calquera outro comentario ou opinión seguiredes tendo o mail de sempre. Aí vos leo grumetes e familias!
Un saúdo agarimoso
PROFE AIDA
